Deddf Cymwysterau Cymru 2015 (dccc5)

ATODLEN 3 LL+C DARPARIAETH BELLACH YNGHYLCH CYDNABOD CYRFF DYFARNU

Y weithdrefn ar gyfer gosod amodau capio ffioedd LL+C

9 (1) Os yw Cymwysterau Cymru yn penderfynu gosod yr amod capio ffioedd, rhaid iddo roi hysbysiad i’r corff cydnabyddedig am y penderfyniad.

(2) Rhaid i’r hysbysiad—

(a) rhoi gwybod i’r corff am ei hawl o dan drefniadau a wneir o dan baragraff 10 i wneud cais am adolygiad o’r penderfyniad,

(b) datgan y dyddiad olaf y caniateir gwneud unrhyw gais am adolygiad, ac

(c) pennu’r dyddiad y mae’r amod, yn absenoldeb cais am adolygiad, i gymryd effaith.

(3) Rhaid i’r dyddiad a bennir o dan is-baragraff (2)(c) fod yn ddyddiad ar ôl y dyddiad olaf y caniateir gwneud cais am adolygiad o dan drefniadau a wneir o dan baragraff 10.

Gwybodaeth Cychwyn

I1 Atod. 3 para. 9 ddim mewn grym ar y Cydsyniad Brenhinol, gweler a. 60(2)

I2 Atod. 3 para. 9 mewn grym ar 21.9.2015 gan O.S. 2015/1687, ergl. 2 (ynghyd ag erglau. 3-12)