Deddf Treth Trafodiadau Tir a Gwrthweithio Osgoi Trethi Datganoledig (Cymru) 2017 (dccc1)

RHAN 2 LL+C Y DRETH A’R PRIF GYSYNIADAU

PENNOD 4 LL+C TRAFODIADAU TRETHADWY A CHYDNABYDDIAETH DRETHADWY

Cydnabyddiaeth drethadwy LL+C

22 Gwerth marchnadol tybiedig LL+C

(1) Mae’r adran hon yn gymwys pan fo’r prynwr yn gwmni ac—

(a) y gwerthwr yn gysylltiedig â’r prynwr, neu

(b) rhywfaint o’r gydnabyddiaeth ar gyfer y trafodiad, neu’r holl gydnabyddiaeth ar gyfer y trafodiad, ar ffurf dyroddi neu drosglwyddo cyfranddaliadau mewn cwmni y mae’r gwerthwr yn gysylltiedig ag ef.

(2) Cymerir mai’r gydnabyddiaeth drethadwy ar gyfer y trafodiad yw—

(a) y swm a bennir o dan is-adran (3) mewn cysylltiad â’r trafodiad, neu

(b) os yw’n fwy na hynny, y swm a fyddai wedi bod yn gydnabyddiaeth drethadwy ar gyfer y trafodiad o anwybyddu’r adran hon.

(3) Y swm a grybwyllir yn is-adran (2)(a) yw—

(a) gwerth marchnadol testun y trafodiad ar y dyddiad y mae’r trafodiad yn cael effaith, a

(b) os rhoi les ar rent yw’r caffaeliad, y rhent hwnnw.

(4) Yn yr adran hon—

• ystyr “cwmni” (“company”) yw unrhyw gorff corfforaethol;

• mae “cyfranddaliadau” (“shares”) yn cynnwys stoc ac mae’r cyfeiriad at gyfranddaliadau mewn cwmni yn cynnwys cyfeiriad at warannau a ddyroddir gan gwmni.

(5) Pan fo’r adran hon yn gymwys nid yw paragraff 1 o Atodlen 3 (esemptio trafodiadau nad oes cydnabyddiaeth drethadwy ar eu cyfer) yn gymwys.

(6) Mae’r adran hon yn cael effaith yn ddarostyngedig i—

(a) yr eithriadau a ddarperir yn adran 23, a

(b) unrhyw ddarpariaeth arall sy’n rhoi esemptiad neu ryddhad rhag treth.

Gwybodaeth Cychwyn

I1 A. 22 ddim mewn grym ar y Cydsyniad Brenhinol, gweler a. 81(2)

I2 A. 22 mewn grym ar 1.4.2018 gan O.S. 2018/34, ergl. 3