(1)Deunydd cymwys yw deunydd y mae’r gofynion a ganlyn wedi eu bodloni mewn perthynas ag ef.
Gofyniad 1
Mae’r deunydd wedi ei bennu yn y Tabl yn Atodlen 1.
Gofyniad 2
Mae pob amod yn y Tabl yn Atodlen 1 sy’n gymwys mewn perthynas â’r deunydd (os oes rhai) wedi ei fodloni.
Gofyniad 3
Ceir—
os yw disgrifiad ysgrifenedig o’r deunydd yn ofynnol yn rhinwedd adran 34(1)(c)(ii) o Ddeddf Diogelu’r Amgylchedd 1990 (p. 43), ddisgrifiad ysgrifenedig o’r math sy’n ofynnol, neu
os nad yw disgrifiad ysgrifenedig o’r deunydd yn ofynnol yn rhinwedd yr adran honno, dystiolaeth arall,
y gellir penderfynu ar ei sail bod gofyniad 1 a 2 wedi eu bodloni.
(2)Caiff rheoliadau ddiwygio Atodlen 1.
Gwybodaeth Cychwyn
I1A. 15 ddim mewn grym ar y Cydsyniad Brenhinol, gweler a. 97(2)
I2A. 15 mewn grym ar 1.4.2018 gan O.S. 2018/35, ergl. 3
(1)Cymysgedd cymwys o ddeunyddiau yw cymysgedd y mae’r gofynion a ganlyn wedi eu bodloni mewn perthynas ag ef.
Gofyniad 1
Mae’r cymysgedd ar ffurf—
un deunydd cymwys neu ragor, a
swm bychan o un deunydd anghymwys neu ragor sy’n atodol i’r deunyddiau cymwys.
Gofyniad 2
Ceir—
os yw disgrifiad ysgrifenedig o’r cymysgedd yn ofynnol yn rhinwedd adran 34(1)(c)(ii) o Ddeddf Diogelu’r Amgylchedd 1990 (p. 43), ddisgrifiad ysgrifenedig o’r math sy’n ofynnol, neu
os nad yw disgrifiad ysgrifenedig o’r cymysgedd yn ofynnol yn rhinwedd yr adran honno, dystiolaeth arall,
y gellir penderfynu ar ei sail bod gofyniad 1 wedi ei fodloni.
Gofyniad 3
Nid yw’r deunyddiau anghymwys wedi eu cymysgu’n fwriadol â’r deunyddiau cymwys at ddibenion—
gwaredu, neu
materion sy’n ymwneud â pharatoi i waredu.
Gofyniad 4
Nid yw’r deunyddiau anghymwys yn cynnwys unrhyw ddeunydd a ragnodir fel deunydd na chaniateir ei gynnwys mewn cymysgedd cymwys o ddeunyddiau.
Gofyniad 5
Nid yw’r cymysgedd yn wastraff peryglus o fewn ystyr Cyfarwyddeb 2008/98/EC Senedd Ewrop a’r Cyngor ar wastraff dyddiedig 19 Tachwedd 2008.
Gofyniad 6
Ni wnaed unrhyw drefniadau mewn cysylltiad â’r cymysgedd y mae osgoi atebolrwydd i’r dreth yn brif ddiben iddynt, neu’n un o’u prif ddibenion.
Gofyniad 7
Os yw’r cymysgedd yn gyfan gwbl ar ffurf gronynnau mân, mae unrhyw ofyniad a ragnodir o dan adran 17(1) (naill ai mewn perthynas â chymysgeddau yn gyffredinol neu mewn perthynas â chymysgeddau o’r disgrifiad penodol hwnnw) wedi ei fodloni mewn cysylltiad â’r cymysgedd.
(2)At ddibenion gofyniad 1—
(a)rhaid ystyried pwysau a chyfaint y deunyddiau anghymwys wrth benderfynu a yw swm y deunyddiau hynny i’w drin fel swm bychan ai peidio;
(b)rhaid ystyried potensial y deunyddiau anghymwys i beri niwed wrth benderfynu a yw’r deunyddiau hynny i’w trin fel pe baent yn atodol i’r deunyddiau cymwys ai peidio.
(3)Caiff rheoliadau ddarparu nad yw swm o ddeunyddiau anghymwys i’w drin fel swm bychan at ddibenion gofyniad 1 os yw’n fwy na chanran ragnodedig o’r cymysgedd o ddeunyddiau (yn ôl pwysau neu gyfaint neu’r ddau).
(4)Caiff rheoliadau ddiwygio’r adran hon er mwyn—
(a)ychwanegu gofyniad pellach at is-adran (1),
(b)addasu gofyniad presennol,
(c)dileu gofyniad, neu
(d)gwneud darpariaeth bellach ynghylch materion y mae’n rhaid eu hystyried neu y caniateir eu hystyried at ddibenion penderfynu a yw gofyniad wedi ei fodloni, neu addasu neu ddileu darpariaeth bresennol ynghylch y materion hynny.
(5)Yn yr adran hon—
ystyr “deunydd anghymwys” (“non-qualifying material”) yw deunydd nad yw’n ddeunydd cymwys;
mae i “gronynnau mân” (“fines”) yr ystyr a roddir yn adran 17(6);
ystyr “rhagnodedig” (“prescribed”) yw wedi ei ragnodi mewn rheoliadau;
mae i “trefniant” (“arrangement”) yr ystyr a roddir yn adran 81B(3) o DCRhT.
Gwybodaeth Cychwyn
I3A. 16 ddim mewn grym ar y Cydsyniad Brenhinol, gweler a. 97(2)
I4A. 16 mewn grym ar 1.4.2018 gan O.S. 2018/35, ergl. 3
(1)Caiff rheoliadau ragnodi gofynion y mae’n rhaid eu bodloni (yn ychwanegol at ofynion 1 i 6 yn adran 16) er mwyn i gymysgedd o ddeunyddiau sy’n cynnwys dim ond gronynnau mân gael ei drin fel cymysgedd cymwys o ddeunyddiau.
(2)Caiff y rheoliadau ddarparu (ymysg pethau eraill) bod—
(a)rhaid i’r cymysgedd fod wedi tarddu mewn modd rhagnodedig (er enghraifft, drwy broses trin gwastraff ragnodedig);
(b)rhaid bod tystiolaeth ragnodedig ynglŷn â natur y gronynnau mân yn y cymysgedd;
(c)rhaid i gamau rhagnodedig fod wedi eu cymryd mewn perthynas â’r cymysgedd (naill ai gan weithredwr safle tirlenwi awdurdodedig neu gan unrhyw berson arall);
(d)rhaid bod tystiolaeth ragnodedig ynglŷn â chymryd y camau hynny;
(e)rhaid i’r cymysgedd roi canlyniad rhagnodedig os cynhelir prawf rhagnodedig arno.
(3)Pan wneir rheoliadau o dan is-adran (2)(e), caiff rheoliadau hefyd wneud darpariaeth gysylltiedig, gan gynnwys (ymysg pethau eraill) ddarpariaeth—
(a)sy’n ei gwneud yn ofynnol i weithredwr safle tirlenwi awdurdodedig gynnal y prawf rhagnodedig (“y prawf”) ar gymysgeddau rhagnodedig o ronynnau mân;
(b)sy’n pennu pryd y mae’n rhaid i’r gweithredwr wneud hynny;
(c)sy’n galluogi ACC—
(i)i gyfarwyddo’r gweithredwr i gynnal y prawf ar bob cymysgedd o ronynnau mân a ddygir ar y safle, neu ar ddisgrifiadau penodol o’r cymysgeddau hynny o ronynnau mân;
(ii)i gynnal y prawf ei hun ar unrhyw gymysgedd o ronynnau mân a ddygir ar y safle;
(d)sy’n ei gwneud yn ofynnol i ACC a’r gweithredwr—
(i)cadw tystiolaeth ragnodedig mewn cysylltiad â’r prawf, a
(ii)ei storio’n ddiogel am gyfnod rhagnodedig;
(e)sy’n ei gwneud yn ofynnol i’r gweithredwr ddarparu gwybodaeth ragnodedig i ACC mewn cysylltiad â’r prawf—
(i)ar gyfnodau rhagnodedig, a
(ii)yn y ffurf a’r modd rhagnodedig;
(f)sy’n ei gwneud yn ofynnol neu’n caniatáu i’r gweithredwr gymryd camau rhagnodedig os yw cymysgedd o ronynnau mân yn methu’r prawf;
(g)sy’n gwahardd cymysgeddau rhagnodedig o ronynnau mân rhag cael eu trin fel cymysgeddau cymwys o ddeunyddiau mewn amgylchiadau rhagnodedig.
(4)Caiff rheoliadau o dan is-adran (3) wneud darpariaeth ar gyfer—
(a)cosbau, neu
(b)adolygiadau ac apelau,
mewn cysylltiad ag unrhyw ddarpariaeth a wneir o dan yr is-adran honno; a phan fyddant yn gwneud hynny, cânt ddiwygio neu gymhwyso (gydag addasiadau neu hebddynt) unrhyw ddeddfiad sy’n ymwneud â’r dreth.
(5)Caiff unrhyw reoliadau o dan yr adran hon, ac eithrio rheoliadau sy’n rhoi pwerau i ACC neu’n gosod dyletswyddau arno, wneud darpariaeth drwy gyfeirio at bethau a bennir mewn hysbysiad a gyhoeddwyd gan ACC (ac nad yw wedi ei dynnu’n ôl drwy hysbysiad a gyhoeddwyd wedi hynny).
(6)Yn yr adran hon—
ystyr “gronynnau mân” (“fines”) yw gronynnau a gynhyrchir gan broses trin gwastraff sy’n cynnwys elfen fecanyddol;
ystyr “rhagnodedig” (“prescribed”) yw wedi ei ragnodi mewn reoliadau.
Gwybodaeth Cychwyn
I5A. 17 ddim mewn grym ar y Cydsyniad Brenhinol, gweler a. 97(2)
I6A. 17 mewn grym ar 18.10.2017 gan O.S. 2017/955, ergl. 2(b)