RHAN 5 LL+CDARPARIAETH ATODOL

PENNOD 4 LL+CCOSBAU O DAN Y DDEDDF HON

Cyffredinol LL+C

70 Talu cosbau LL+C

Rhaid talu cosb o dan y Bennod hon cyn diwedd y cyfnod o 30 o ddiwrnodau sy’n dechrau â’r diwrnod y dyroddir hysbysiad am y gosb (ond gweler adran 182 o DCRhT (talu cosbau yn achos adolygiad neu apêl)).

Gwybodaeth Cychwyn

I1 A. 70 ddim mewn grym ar y Cydsyniad Brenhinol, gweler a. 97(2)

I2 A. 70 mewn grym ar 25.1.2018 gan O.S. 2018/35, ergl. 2(v)

71 Gwahardd cosbi ddwywaith LL+C

Nid yw person yn agored i gosb o dan y Bennod hon mewn cysylltiad ag unrhyw beth os yw’r person wedi cael euogfarn am drosedd mewn perthynas â hynny.

Gwybodaeth Cychwyn

I3 A. 71 ddim mewn grym ar y Cydsyniad Brenhinol, gweler a. 97(2)

I4 A. 71 mewn grym ar 25.1.2018 gan O.S. 2018/35, ergl. 2(v)

72 Atebolrwydd cynrychiolwyr personol LL+C

(1) Os yw person sy’n agored i gosb o dan y Bennod hon (“P”) wedi marw, caniateir asesu unrhyw gosb y gellid bod wedi ei hasesu ar P ar gynrychiolwyr personol P.

(2) Mae cosb a asesir yn unol ag is-adran (1) i’w thalu o ystad P.

Gwybodaeth Cychwyn

I5 A. 72 ddim mewn grym ar y Cydsyniad Brenhinol, gweler a. 97(2)

I6 A. 72 mewn grym ar 25.1.2018 gan O.S. 2018/35, ergl. 2(v)

73 Pŵer i wneud rheoliadau ynghylch cosbau LL+C

(1) Caiff rheoliadau wneud darpariaeth bellach neu ddarpariaeth wahanol ynghylch—

(a) symiau cosbau o dan y Bennod hon, a

(b) y weithdrefn ar gyfer asesu cosbau o dan y Bennod hon.

(2) Caiff y rheoliadau ddiwygio’r Ddeddf hon.

Gwybodaeth Cychwyn

I7 A. 73 ddim mewn grym ar y Cydsyniad Brenhinol, gweler a. 97(2)

I8 A. 73 mewn grym ar 1.4.2018 gan O.S. 2018/35, ergl. 3