Deddf Treth Gwarediadau Tirlenwi (Cymru) 2017

(a gyflwynir gan adran 34(3))

ATODLEN 2 LL+C YR HYN SYDD I’W GYNNWYS YN Y GOFRESTR

Gwybodaeth gyffredinol LL+C

1 Rhaid i gofnod person yn y gofrestr gynnwys yr wybodaeth a ganlyn—

(a) enw’r person;

(b) unrhyw enw masnachu a ddefnyddir gan y person;

(c) datganiad ynghylch pa un a yw’r person cofrestredig yn gorff corfforaethol, yn unigolyn, yn bartneriaeth neu’n gorff anghorfforedig;

(d) cyfeiriad busnes y person;

(e) cyfeiriad neu ddisgrifiad o bob safle tirlenwi awdurdodedig y mae’r person yn weithredwr arno;

(f) y rhif cofrestru a aseinir i’r person gan ACC.

Gwybodaeth Cychwyn

I1 Atod. 2 para. 1 ddim mewn grym ar y Cydsyniad Brenhinol, gweler a. 97(2)

I2 Atod. 2 para. 1 mewn grym ar 25.1.2018 gan O.S. 2018/35, ergl. 2(y)

Aelodau cynrychiadol grwpiau corfforaethol: gwybodaeth ychwanegol am grŵp LL+C

2 Os yw’r person cofrestredig yn aelod cynrychiadol grŵp o gyrff corfforaethol a ddynodir o dan adran 77, rhaid i gofnod y person yn y gofrestr gynnwys—

(a) datganiad o’r ffaith honno;

(b) enw a chyfeiriad busnes pob corff corfforaethol arall sy’n aelod o’r grŵp;

(c) cyfeiriad neu ddisgrifiad o bob safle tirlenwi awdurdodedig y mae unrhyw aelod o’r grŵp yn weithredwr arno;

(d) enw a chyfeiriad busnes unrhyw gorff corfforaethol neu unigolyn nad yw’n aelod o’r grŵp ond sy’n rheoli (naill ai’n unigol neu mewn partneriaeth) ei holl aelodau (gweler adran 78).

Gwybodaeth Cychwyn

I3 Atod. 2 para. 2 ddim mewn grym ar y Cydsyniad Brenhinol, gweler a. 97(2)

I4 Atod. 2 para. 2 mewn grym ar 25.1.2018 gan O.S. 2018/35, ergl. 2(y)

Partneriaethau a chyrff anghorfforedig: gwybodaeth ychwanegol am aelodau LL+C

3 Pan fo partneriaeth neu gorff anghorfforedig wedi ei chofrestru neu ei gofrestru yn enw’r bartneriaeth neu’r corff, rhaid i’r cofnod amdani neu amdano yn y gofrestr gynnwys enwau a chyfeiriadau pob un o’i aelodau.

Gwybodaeth Cychwyn

I5 Atod. 2 para. 3 ddim mewn grym ar y Cydsyniad Brenhinol, gweler a. 97(2)

I6 Atod. 2 para. 3 mewn grym ar 25.1.2018 gan O.S. 2018/35, ergl. 2(y)

Dehongli LL+C

4 At ddibenion yr Atodlen hon, cyfeiriad busnes corff corfforaethol, partneriaeth neu gorff anghorfforedig yw cyfeiriad ei swyddfa gofrestredig, ei brif swyddfa neu ei phrif swyddfa.

Gwybodaeth Cychwyn

I7 Atod. 2 para. 4 ddim mewn grym ar y Cydsyniad Brenhinol, gweler a. 97(2)

I8 Atod. 2 para. 4 mewn grym ar 25.1.2018 gan O.S. 2018/35, ergl. 2(y)