RHAN 1TROSOLWG
I11Trosolwg o’r Ddeddf
1
Mae’r Rhan hon yn darparu trosolwg o’r Ddeddf hon.
2
Mae Rhan 2—
a
yn gwneud darpariaeth ar gyfer codi treth (treth gwarediadau tirlenwi) ar warediadau trethadwy,
b
yn esbonio beth yw gwarediad trethadwy, ac
c
yn gwneud darpariaeth ynghylch gwarediadau sydd wedi eu hesemptio rhag y dreth.
3
Mae Rhan 3 yn gwneud darpariaeth ynghylch sut y mae’r dreth i’w chodi ar warediadau trethadwy a wneir ar safleoedd tirlenwi awdurdodedig. Mae’n cynnwys darpariaeth ynghylch—
a
y personau y mae’r dreth i’w chodi arnynt,
b
sut y mae swm y dreth sydd i’w godi ar warediad trethadwy i’w gyfrifo,
c
gwarediadau trethadwy y caniateir hawlio rhyddhad rhag y dreth ar eu cyfer,
d
gofynion cofrestru a chyfrifyddu, ac
e
talu, adennill ac ad-dalu’r dreth.
4
Mae Rhan 4 yn gwneud darpariaeth ynghylch sut y mae’r dreth i’w chodi ar warediadau trethadwy a wneir mewn lleoedd heblaw safleoedd tirlenwi awdurdodedig. Mae’n cynnwys darpariaeth ynghylch—
a
sut y mae swm y dreth sydd i’w godi ar warediad trethadwy i’w gyfrifo,
b
y personau y caniateir codi’r dreth arnynt,
c
y weithdrefn a ddefnyddir i godi treth ar berson,
d
talu’r dreth, ac
e
llog taliadau hwyr ar dreth nas talwyd.
5
Mae Rhan 5 yn gwneud darpariaeth atodol mewn cysylltiad â’r dreth. Mae’n cynnwys—
a
darpariaeth sy’n galluogi rheoliadau i gael eu gwneud ynghylch amgylchiadau pan fo person i gael hawlogaeth i gredyd mewn cysylltiad â’r dreth,
b
darpariaeth ynghylch creu mannau nad ydynt at ddibenion gwaredu o fewn safleoedd tirlenwi awdurdodedig,
c
darpariaeth ynghylch archwilio mangreoedd a rhannu gwybodaeth,
d
darpariaeth ynghylch cosbau,
e
darpariaeth ynghylch cymhwysiad darpariaethau’r Ddeddf hon a Deddf Casglu a Rheoli Trethi (Cymru) 2016 (dccc 6) mewn achosion arbennig (er enghraifft, yn achos grwpiau corfforaethol, partneriaethau a chymdeithasau anghorfforedig), ac
f
darpariaeth ynghylch materion amrywiol eraill.
6
Mae Rhan 5 hefyd yn gwneud darpariaeth ar gyfer Cynllun Cymunedau y Dreth Gwarediadau Tirlenwi.
7
Mae Rhan 6 yn cynnwys darpariaeth sy’n gymwys yn gyffredinol at ddibenion y Ddeddf hon (gan gynnwys darpariaeth ynghylch dehongli’r Ddeddf hon).