Deddf Treth Gwarediadau Tirlenwi (Cymru) 2017 (dccc3)

RHAN 5 LL+C DARPARIAETH ATODOL

PENNOD 4 LL+C COSBAU O DAN Y DDEDDF HON

Cosbau sy’n ymwneud â chyfrifo pwysau trethadwy deunydd LL+C

63 Asesu cosbau o dan adrannau 61 a 62 LL+C

(1) Pan ddaw gweithredwr safle tirlenwi awdurdodedig yn agored i gosb o dan adran 61 neu 62, rhaid i ACC—

(a) asesu’r gosb, a

(b) dyroddi hysbysiad i’r person am y gosb a aseswyd.

(2) Caniateir cyfuno asesiad o gosb o dan adran 61 neu 62 gydag asesiad treth.

(3) Rhaid gwneud asesiad o gosb o dan adran 61 neu 62 o fewn y cyfnod o 12 mis sy’n dechrau â’r diwrnod y daeth ACC i gredu yn gyntaf bod y gweithredwr yn agored i’r gosb.

Gwybodaeth Cychwyn

I1 A. 63 ddim mewn grym ar y Cydsyniad Brenhinol, gweler a. 97(2)

I2 A. 63 mewn grym ar 1.4.2018 gan O.S. 2018/35, ergl. 3