Deddf Treth Gwarediadau Tirlenwi (Cymru) 2017 (dccc3)

RHAN 5 LL+C DARPARIAETH ATODOL

PENNOD 4 LL+C COSBAU O DAN Y DDEDDF HON

Cosbau sy’n ymwneud â chofrestru LL+C

67 Asesu cosbau o dan adrannau 64 a 66 LL+C

(1) Pan ddaw person yn agored i gosb o dan adran 64 neu 66, rhaid i ACC—

(a) asesu’r gosb, a

(b) dyroddi hysbysiad i’r person am y gosb a aseswyd.

(2) Rhaid i asesiad o gosb o dan adran 64(1) neu 66 gael ei wneud o fewn y cyfnod o 12 mis sy’n ddechrau â’r diwrnod y daeth ACC i gredu yn gyntaf fod y person yn agored i’r gosb.

(3) Rhaid gwneud asesiad o gosb o dan adran 64(2) o fewn y cyfnod o 12 mis sy’n dechrau a’r diwrnod y mae’r gosb yn ymwneud ag ef.

Gwybodaeth Cychwyn

I1 A. 67 ddim mewn grym ar y Cydsyniad Brenhinol, gweler a. 97(2)

I2 A. 67 mewn grym ar 25.1.2018 gan O.S. 2018/35, ergl. 2(u)