(1)Mae Tribiwnlys Anghenion Addysgol Arbennig Cymru i barhau a chaiff ei ailenwi’n Dribiwnlys Addysg Cymru.
(2)Mae’r Tribiwnlys i gael—
(a)Llywydd i’r Tribiwnlys,
(b)panel o bersonau a gaiff wasanaethu fel cadeirydd cyfreithiol y Tribiwnlys (“y panel cadeirydd cyfreithiol”), ac
(c)panel o bersonau a gaiff wasanaethu fel y ddau aelod arall o’r Tribiwnlys ond nid fel y cadeirydd cyfreithiol (“y panel lleyg”).
(3)Mae’r Llywydd i gael ei benodi gan yr Arglwydd Ganghellor F1....
(4)Mae pob aelod o’r panel cadeirydd cyfreithiol i gael ei benodi gan yr Arglwydd Ganghellor F2....
(5)Mae aelodau’r panel lleyg i gael eu penodi gan Weinidogion Cymru gyda chytundeb yr Ysgrifennydd Gwladol a’r Llywydd.
(6)Caiff rheoliadau a wneir gan Weinidogion Cymru—
(a)darparu i awdurdodaeth y Tribiwnlys gael ei harfer gan y nifer hwnnw o dribiwnlysoedd y mae’r Llywydd yn penderfynu arno o bryd i’w gilydd, a
(b)gwneud unrhyw ddarpariaeth arall mewn cysylltiad â sefydlu’r Tribiwnlys a’i barhad yr ystyrir ei bod yn angenrheidiol neu’n ddymunol.
(7)Caiff Gweinidogion Cymru ddarparu staff ac adeiladau ar gyfer y Tribiwnlys.
Diwygiadau Testunol
F1Geiriau yn a. 91(3) wedi eu hepgor (10.4.2019) yn rhinwedd Rheoliadau Deddf Anghenion Dysgu Ychwanegol a’r Tribiwnlys Addysg (Cymru) 2018 (Darpariaethau Atodol) 2019 (O.S. 2019/794), rhlau. 1(2), 2(2)
F2Geiriau yn a. 91(4) wedi eu hepgor (10.4.2019) yn rhinwedd Rheoliadau Deddf Anghenion Dysgu Ychwanegol a’r Tribiwnlys Addysg (Cymru) 2018 (Darpariaethau Atodol) 2019 (O.S. 2019/794), rhlau. 1(2), 2(3)
Gwybodaeth Cychwyn
I1A. 91 ddim mewn grym ar y Cydsyniad Brenhinol, gweler a. 100(3)
I2A. 91 mewn grym ar 2.11.2020 at ddibenion penodedig gan O.S. 2020/1182, rhl. 3(1)(l)
I3A. 91 mewn grym ar 1.9.2021 i'r graddau nad yw eisoes mewn grym gan O.S. 2021/373, ergl. 8(h)