Deddf Ombwdsmon Gwasanaethau Cyhoeddus (Cymru) 2019

(a gyflwynir gan adran 31)

ATODLEN 3 LL+C AWDURDODAU RHESTREDIG

Gwybodaeth Cychwyn

I1 Atod. 3 ddim mewn grym ar y Cydsyniad Brenhinol, gweler a. 77(1)

I2 Atod. 3 mewn grym ar 23.7.2019 gan O.S. 2019/1096, rhl. 2

• Llywodraeth Cymru

  • Llywodraeth Cymru.

  • Comisiwn Cynulliad Cenedlaethol Cymru.

• Llywodraeth leol, tân a’r heddlu

  • Awdurdod lleol yng Nghymru.

  • Bwrdd ar y cyd y mae ei awdurdodau cyfansoddol oll yn awdurdodau lleol yng Nghymru.

  • Awdurdod tân ac achub yng Nghymru a gyfansoddwyd gan gynllun o dan adran 2 o Ddeddf Gwasanaethau Tân ac Achub 2004 (p.21) neu gynllun y mae adran 4 o’r Ddeddf honno yn gymwys iddo.

  • Comisiynydd heddlu a throseddu ar gyfer ardal heddlu yng Nghymru.

  • F1 ...

  • [F2 Cyd-bwyllgor corfforedig a sefydlwyd drwy reoliadau a wnaed o dan Ran 5 o Ddeddf Llywodraeth Leol ac Etholiadau (Cymru) 2021.]

• Yr Amgylchedd

  • Y Pwyllgor Newid Hinsawdd.

  • Awdurdod Parc Cenedlaethol ar gyfer Parc Cenedlaethol yng Nghymru.

  • Corff Adnoddau Naturiol Cymru.

  • Asiantaeth yr Amgylchedd.

  • Y Comisiynwyr Coedwigaeth.

  • Y Pwyllgor Llifogydd ac Erydu Arfordirol.

• Iechyd a gofal cymdeithasol

  • Gofal Cymdeithasol Cymru.

  • F3 ...

  • Bwrdd Iechyd Lleol.

  • Ymddiriedolaeth GIG sy’n rheoli ysbyty neu sefydliad neu gyfleuster arall yng Nghymru.

  • Awdurdod Iechyd Arbennig nad yw’n cyflawni swyddogaethau yn Lloegr yn unig neu’n bennaf.

  • F4 ...

  • Darparwr annibynnol yng Nghymru.

  • Darparwr gwasanaeth iechyd teulu yng Nghymru.

  • Person â swyddogaethau a roddir gan reoliadau a wneir o dan adran 113(2) o Ddeddf Iechyd a Gofal Cymdeithasol (Iechyd Cymunedol a Safonau) 2003 (p.43).

  • Pwyllgor Gwasanaethau Iechyd Arbenigol Cymru.

  • [F5 Corff Llais y Dinesydd ar gyfer Iechyd a Gofal Cymdeithasol, Cymru.]

• Tai

  • Landlord cymdeithasol yng Nghymru.

• Addysg a hyfforddiant

  • Swyddfa Prif Arolygydd Ei Mawrhydi dros Addysg a Hyfforddiant yng Nghymru neu Her Majesty’s Chief Inspector of Education and Training in Wales.

  • Cyngor Cyllido Addysg Uwch Cymru.

  • Panel apêl derbyn a gyfansoddwyd yn unol â rheoliadau o dan adran 94(5) neu 95(3) o Ddeddf Safonau a Fframwaith Ysgolion 1998 (p.31).

  • Corff llywodraethu unrhyw ysgol gymunedol, ysgol sefydledig neu ysgol wirfoddol i’r graddau y mae’n gweithredu mewn cysylltiad â derbyn disgyblion i’r ysgol neu fel arall yn cyflawni unrhyw un neu ragor o’i swyddogaethau o dan Bennod 1 o Ran 3 o Ddeddf Safonau a Fframwaith Ysgolion 1998 (p.31).

  • Panel apêl gwahardd a gyfansoddwyd yn unol â rheoliadau o dan adran 52 o Ddeddf Addysg 2002 (p.32).

  • Cymwysterau Cymru.

• Y celfyddydau a hamdden

  • Cyngor Celfyddydau Cymru.

  • Cyngor Chwaraeon Cymru.

• Trethi

  • Awdurdod Cyllid Cymru.

• Amrywiol

  • Pwyllgor Cynghori Cymru ar Reoliadau Adeiladu.

  • Byrddau Cadwraethwyr Coity Walia.

  • Comisiynydd y Gymraeg.

  • Awdurdodau harbwr yng Nghymru (ac mae i “awdurdod harbwr” yr ystyr a roddir i “harbour authority” yn adran 313(1) o Ddeddf Llongau Masnach 1995 (p.21)) ac awdurdodau porthladd yng Nghymru (ac ystyr “awdurdod porthladd” yw awdurdod harbwr, neu os nad oes awdurdod o’r fath, y person sydd â rheolaeth am weithrediad y porthladd)—

    (a)

    a ddefnyddir yn gyfan gwbl neu’n bennaf ar gyfer y diwydiant pysgota, ar gyfer hamdden neu ar gyfer cyfathrebu rhwng lleoedd yng Nghymru neu sy’n ofynnol yn gyfan gwbl neu’n bennaf ar gyfer y diwydiant pysgota, ar gyfer hamdden neu ar gyfer cyfathrebu rhwng lleoedd yng Nghymru (neu ar gyfer dau neu ragor o’r dibenion hyn);

    (b)

    i’r graddau y mae’n gweithredu mewn cysylltiad â diogelu iechyd pobl, anifeiliaid neu blanhigion, lles anifeiliaid neu’r amgylchedd.

  • Comisiwn Ffiniau a Democratiaeth Leol Cymru.

  • Bwrdd Cadwraethwyr Towyn Trewan.

Diwygiadau Testunol

F1 Geiriau yn Atod. 3 wedi eu hepgor (21.1.2021) yn rhinwedd Deddf Llywodraeth Leol ac Etholiadau (Cymru) 2021 (asc 1), a. 175(1)(e), Atod. 9 para. 48

F2 Geiriau yn Atod. 3 wedi eu mewnosod (1.4.2021) gan Rheoliadau Deddf Ombwdsmon Gwasanaethau Cyhoeddus (Cymru) 2019 (Diwygio Atodlen 3) 2021 (O.S. 2021/345), rhlau. 1(2), 2(2)

F3 Atod. 3 entry wedi ei hepgor (1.4.2023) yn rhinwedd Deddf Iechyd a Gofal Cymdeithasol (Ansawdd ac Ymgysylltu) (Cymru) 2020 (asc 1), a. 29(2), Atod. 3 para. 17(3)(a); O.S. 2023/370, ergl. 3(1)(t)

F4 Atod. 3 entry wedi ei hepgor (1.4.2023) yn rhinwedd Deddf Iechyd a Gofal Cymdeithasol (Ansawdd ac Ymgysylltu) (Cymru) 2020 (asc 1), a. 29(2), Atod. 3 para. 17(3)(b); O.S. 2023/370, ergl. 3(1)(t)

F5 Atod. 3 entry wedi ei fewnosod (1.4.2023) gan Deddf Iechyd a Gofal Cymdeithasol (Ansawdd ac Ymgysylltu) (Cymru) 2020 (asc 1), a. 29(2), Atod. 3 para. 17(3)(c); O.S. 2023/370, ergl. 3(1)(t)