Adran 31 - Y Gymraeg
123.Mae’r adran hon yn diwygio adran 70 o DCGTh 1990. Mae adran 70 yn gwneud darpariaeth ynghylch y materion y mae’n rhaid i awdurdod cynllunio lleol roi sylw iddynt wrth ymdrin â chais am ganiatâd cynllunio. Effaith y diwygiad yw bod rhaid i awdurdod cynllunio lleol yng Nghymru roi sylw i ystyriaethau yn ymwneud â’r defnydd o’r Gymraeg os yw ystyriaethau o’r fath yn berthnasol i’r cais. Nid yw’r diwygiadau i adran 70 yn newid y gyfraith sydd ohoni mewn perthynas ag ystyriaethau perthnasol.