- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Mae'r Offeryn Statudol hwn wedi ei ailargraffu i gywiro'r hyn a gafodd ei hepgor o'r tabl gorchmynion cychwyn yn y nodyn esboniadol ac fe'i dosberthir yn rhad ac am ddim i bawb y mae'n hysbys iddynt ei dderbyn.
Offerynnau Statudol Cymru
GWASANAETHAU CYMORTH GWLADOL, CYMRU
Wedi'i wneud
26 Mawrth 2003
Mae Cynulliad Cenedlaethol Cymru, drwy arfer y pwerau a roddwyd iddo gan adrannau 64(6) a 70(2) o Ddeddf Iechyd a Gofal Cymdeithasol 2001(1), drwy hyn yn gwneud y Gorchymyn canlynol:
1.—(1) Enw'r gorchymyn hwn yw Gorchymyn Deddf Iechyd a Gofal Cymdeithasol 2001 (Cychwyn Rhif 5) (Cymru) 2003.
(2) Yn y Gorchymyn hwn, cyfeirir at Ddeddf Iechyd a Gofal Cymdeithasol 2001 fel y “Ddeddf”.
(3) Mae'r gorchymyn hwn yn gymwys i Gymru yn unig.
2. 1 Ebrill 2003 yw'r diwrnod penodedig i ddarpariaethau'r Ddeddf a bennir yn yr Atodlen i'r Gorchymyn hwn ddod i rym.
Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(2).
D. Elis-Thomas
Llywydd Cynulliad Cenedlaethol Cymru
26 Mawrth 2003
Erthygl 2
Darpariaethau'r Ddeddf | Pwnc |
---|---|
Adran 53 | Diystyru adnoddau wrth benderfynu'r angen am lety preswyl |
Adran 54 i'r graddau na chafodd ei dwyn i rym eisoes gan adran 70(2) | Preswylydd a.y.y.b. yn ariannu llety drutach |
Adran 55 | Pŵer i awdurdodau lleol arwystlo tir yn lle cymryd cyfraniadau |
(Nid yw'r nodyn hwn yn rhan o'r Gorchymyn)
Y Gorchymyn hwn yw'r pumed Gorchymyn Cychwyn a wnaed o dan Ddeddf Iechyd a Gofal Cymdeithasol 2001 (y “Ddeddf”) mewn perthynas â Chymru.
Mae'r Gorchymyn hwn yn pennu mai 1 Ebrill 2003 fydd y diwrnod y mae adrannau canlynol y Ddeddf yn dod i rym yng Nghymru. Mae'r darpariaethau yn caniatáu newidiadau i'r ffordd y mae awdurdodau lleol yn codi tâl am lety preswyl o dan Ran 3 o Ddeddf Cymorth Gwladol 1948.
Mae adran 53 yn rhoi'r pŵer i Gynulliad Cenedlaethol Cymru wneud rheoliadau i benderfynu pa ran o adnoddau person a gaiff eu diystyru wrth benderfynu a oes angen llety arno neu beidio.
Mae adran 54 yn caniatáu i Gynulliad Cenedlaethol Cymru wneud rheoliadau sy'n galluogi i daliadau ychwanegol gael eu gwneud, gan neu ar ran preswylydd, ar gyfer llety sy'n costio mwy nag a fyddai awdurdod lleol fel arfer yn disgwyl ei dalu.
Mae adran 55 yn caniatáu i awdurdod lleol wneud cytundeb (“cytundeb talu gohiriedig”) â pherson y mae angen llety arno i adael i'r person hwnnw beidio â gwneud taliadau am y llety ond i gronni dyled a gaiff ei sicrhau drwy arwystl ar gartref y person hwnnw.
(Nid yw'r nodyn hwn yn rhan o'r Gorchymyn)
Y Ddarpariaeth | Dyddiad Cychwyn | O.S. Rhif |
---|---|---|
Adran 3 | 1 Gorffennaf 2002 (yn rhannol) | 2002/1475 |
Adran 5 | 1 Gorffennaf 2002 | 2002/1475 |
Adran 11 | 1 Rhagfyr 2002 | 2002/1475 |
Adran 13 | 17 Mawrth 2003 | 2003/713 |
Adran 16 | 26 Awst 2002 | 2002/1919 |
Adran 19 — 26 | 1 Gorffennaf 2002 | 2002/1475 |
Adran 27 | 26 Awst 2002 | 2002/1919 |
Adran 28 — 39 | 1 Gorffennaf 2002 | 2002/1475 |
Adran 41 — 43 | 1 Gorffennaf 2002 | 2002/1475 |
Adran 49 | 3 Rhagfyr 2001 (yn rhannol) | 2001/3807 |
Adran 50(1) | 8 Ebrill 2002 | 2001/3752 |
Adran 50 (2) i (10) | 19 Rhagfyr 2001 | 2001/3807 |
Adran 51 | 8 Tachwedd 2001 | 2001/3752 |
Adran 52 | 8 Tachwedd 2001 | 2001/3752 |
Adran 67(1) ac Atodlen 5 | 1 Ebrill 2002, 1 Gorffennaf 2002 a 26 Awst 2002 (yn rhannol) | 2002/1095, 2002/1475 a 2002/1919 |
Adran 67(2) ac Atodlen 6 | 1 Ebrill 2002, 15 Ebrill 2002, 1 Gorffennaf 2002 a 26 Awst 2002 (yn rhannol) | 2002/1095, 2002/1312, 2002/1475 a 2002/1919 |
Atodlen 2 | 1 Gorffennaf 2002 | 2002/1475 |
Atodlen 3 | 1 Gorffennaf 2002 | 2002/1475 |
Mae amryw o ddarpariaethau'r Ddeddf wedi'u dwyn i rym mewn perthynas â Lloegr gan yr Offerynnau Statudol canlynol: O.S. 2001/2804 (C.95); O.S. 2001/3167 (C.101); O.S. 2001/3294 (C.107); O.S. 2001/3619 (C.117); O.S. 2001/3752 (C.122); O.S. 2001/3738 (C.121); O.S. 2001/4149 (C.133); O.S. 2002/1095 (C.26); O.S. 2002/1312 (C.36) ac O.S. 2002/2363 (C.77).
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: