Rheoliadau’r Fasnach mewn Anifeiliaid a Chynhyrchion Perthynol (Diwygio a Swyddogaethau Deddfwriaethol) ac Iechyd Anifeiliaid (Diwygiadau Amrywiol) (Cymru) (Ymadael â’r UE) 2022

RHAN 1 Cyflwyniad

Enwi, cychwyn a chymhwyso

1.—( 1) Enw’r Rheoliadau hyn yw Rheoliadau’r Fasnach mewn Anifeiliaid a Chynhyrchion Perthynol (Diwygio a Swyddogaethau Deddfwriaethol) ac Iechyd Anifeiliaid (Diwygiadau Amrywiol) (Cymru) (Ymadael â’r UE) 2022.

(2) Daw’r Rheoliadau hyn i rym ar 16 Rhagfyr 2022 ac maent yn gymwys o ran Cymru.

Dehongli

2.—( 1) Mae i’r geiriau a’r ymadroddion a restrir ym mharagraff (2), fel y’u defnyddir yn y Rheoliadau hyn ac fel y maent yn cyfateb i eiriau ac ymadroddion Saesneg a ddefnyddir yng Nghyfarwyddebau’r UE a addesir gan Ran 5, yr ystyron a roddir ym mharagraff (2).

(2) Y geiriau a’r ymadroddion yw—

ystyr “Cyfarwyddeb 64/432” (“Directive 64/432”) yw Cyfarwyddeb y Cyngor 64/432/EEC ar broblemau iechyd anifeiliaid sy’n effeithio ar fasnachu o fewn y Gymuned anifeiliaid buchol ac anifeiliaid o deulu’r mochyn(1) fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 88/407” (“Directive 88/407”) yw Cyfarwyddeb y Cyngor 88/407/EEC sy’n gosod y gofynion iechyd anifeiliaid sy’n gymwys i fasnachu o fewn y Gymuned semen dwys-rewedig anifeiliaid domestig o’r rhywogaeth fuchol(2), ac i fewnforio’r semen hwnnw, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 89/556” (“Directive 89/556”) yw Cyfarwyddeb y Cyngor 89/556/EEC ar amodau iechyd anifeiliaid sy’n llywodraethu masnachu o fewn y Gymuned embryonau anifeiliaid domestig o’r rhywogaeth fuchol(3), a’u mewnforio o drydydd gwledydd, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 90/429” (“Directive 90/429”) yw Cyfarwyddeb y Cyngor 90/429/EEC sy’n gosod y gofynion iechyd anifeiliaid sy’n gymwys i fasnachu o fewn y Gymuned semen anifeiliaid domestig o rywogaeth teulu’r mochyn(4), ac i fewnforio’r semen hwnnw, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 91/68” (“Directive 91/68”) yw Cyfarwyddeb y Cyngor 91/68/EEC ar amodau iechyd anifeiliaid sy’n llywodraethu masnachu o fewn y Gymuned anifeiliaid o deulu’r ddafad ac o deulu’r afr(5) fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 92/65” (“Directive 92/65”) yw Cyfarwyddeb y Cyngor 92/65/EEC sy’n gosod gofynion iechyd anifeiliaid sy’n llywodraethu masnachu anifeiliaid, semen, ofa ac embryonau nad ydynt yn ddarostyngedig i ofynion iechyd anifeiliaid sydd wedi eu gosod mewn rheolau Cymunedol penodol y cyfeirir atynt yn Atodiad A(1) i Gyfarwyddeb 90/425/EEC(6), a’u mewnforio i’r Gymuned, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 92/118” (“Directive 92/118”) yw Cyfarwyddeb y Cyngor 92/118/EEC sy’n gosod gofynion o ran iechyd anifeiliaid ac iechyd y cyhoedd sy’n llywodraethu masnachu cynhyrchion nad ydynt yn ddarostyngedig i’r gofynion hynny a osodir mewn rheolau Cymunedol penodol y cyfeirir atynt yn Atodiad A (I) i Gyfarwyddeb 89/662/EEC ac, o ran pathogenau, i Gyfarwyddeb 90/425/EEC(7), a mewnforio’r cynhyrchion hynny i’r Gymuned, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 2002/99” (“Directive 2002/99”) yw Cyfarwyddeb y Cyngor 2002/99/EC sy’n gosod y rheolau iechyd anifeiliaid sy’n llywodraethu cynhyrchu, prosesu, dosbarthu a chyflwyno cynhyrchion sy’n dod o anifeiliaid i’w bwyta gan bobl(8) fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 2004/68” (“Directive 2004/68”) yw Cyfarwyddeb y Cyngor 2004/68/EC sy’n gosod rheolau iechyd anifeiliaid ar gyfer mewnforio i’r Gymuned a chludo drwyddi anifeiliaid carnol byw penodol(9) fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 2009/156” (“Directive 2009/156”) yw Cyfarwyddeb y Cyngor 2009/156/EC ar amodau iechyd anifeiliaid sy’n llywodraethu symud equidae(10), a’u mewnforio o drydydd gwledydd, fel yr oedd yn cael effaith yn union cyn diwrnod cwblhau’r cyfnod gweithredu;

ystyr “Cyfarwyddeb 2009/158” (“Directive 2009/158”) yw Cyfarwyddeb y Cyngor 2009/158/EC ar amodau iechyd anifeiliaid sy’n llywodraethu masnachu o fewn y Gymuned ddofednod ac wyau deor(11), a’u mewnforio o drydydd gwledydd, fel yr oedd yn cael effaith yn union cyn diwrnod cwblhau’r cyfnod gweithredu;

mae i “deddfiad” yr ystyr a roddir i “enactment” gan adran 20(1) o Ddeddf yr Undeb Ewropeaidd (Ymadael) 2018;

ystyr “Rheoliad (EC) Rhif 178/2002” (“Regulation (EC) No 178/2002”) yw Rheoliad (EC) Rhif 178/2002 Senedd Ewrop a’r Cyngor sy’n gosod egwyddorion a gofynion cyffredinol cyfraith bwyd, yn sefydlu Awdurdod Diogelwch Bwyd Ewrop ac yn gosod gweithdrefnau o ran materion diogelwch bwyd(12);

ystyr “Rheoliad (EC) Rhif 852/2004” (“Regulation (EC) No 852/2004”) yw Rheoliad (EC) Rhif 852/2004 Senedd Ewrop a’r Cyngor ar hylendid bwydydd(13);

ystyr “Rheoliad (EC) Rhif 853/2004” (“Regulation (EC) No 853/2004”) yw Rheoliad (EC) Rhif 853/2004 Senedd Ewrop a’r Cyngor sy’n gosod rheolau hylendid penodol ar gyfer bwyd sy’n dod o anifeiliaid(14);

ystyr “Rheoliad (EC) Rhif 1251/2008” (“Regulation (EC) No 1251/2008”) yw Rheoliad (EC) Rhif 1251/2008 sy’n gweithredu Cyfarwyddeb y Cyngor 2006/88/EC o ran amodau a gofynion ardystio ar gyfer rhoi ar y farchnad anifeiliaid dyframaethu a’u cynhyrchion, a’u mewnforio i’r Gymuned, ac sy’n gosod rhestr o rywogaethau sy’n fectorau(15);

ystyr “Rheoliad (EC) Rhif 1069/2009” (“Regulation (EC) No 1069/2009”) yw Rheoliad (EC) Rhif 1069/2009 Senedd Ewrop a’r Cyngor sy’n gosod rheolau iechyd ynghylch sgil-gynhyrchion anifeiliaid a chynhyrchion sy’n deillio o anifeiliaid nas bwriedir i’w bwyta gan bobl(16);

ystyr “y Rheoliad Rheolaethau Swyddogol” (“the Official Controls Regulation”) yw Rheoliad (EU) 2017/625 Senedd Ewrop a’r Cyngor ar reolaethau swyddogol a gweithgareddau swyddogol eraill a gyflawnir i sicrhau y cymhwysir y gyfraith o ran bwyd a bwyd anifeiliaid, rheolau ynghylch iechyd a lles anifeiliaid, iechyd planhigion a chynhyrchion diogelu planhigion.

(1)

OJ P 121, 29.7. 1964, t. 1977.

(2)

OJ Rhif L 194, 22.7.1988, t. 10.

(3)

OJ Rhif L 302, 19.10.1989, t. 1.

(4)

OJ Rhif L 224, 18.8.1990, t. 62.

(5)

OJ Rhif L 46, 19.2.1991, t. 19.

(6)

OJ Rhif L 268, 14.9.1992, t. 54.

(7)

OJ Rhif L 62, 15.3.1993, t. 49.

(8)

OJ Rhif L 18, 23.1.2003, t. 11.

(9)

OJ Rhif L 139, 30.4.2004, t. 320.

(10)

OJ Rhif L 192, 23.7.2010, t. 1.

(11)

OJ Rhif L 343, 22.12.2009, t. 74.

(12)

EUR 2002/178, a ddiwygiwyd gan O.S. 2019/641, 2020/1504 a 2022/377.

(13)

EUR 2004/852, a ddiwygiwyd gan O.S. 2019/642 a 2020/1504.

(14)

EUR 2004/853, a ddiwygiwyd gan O.S. 2019/640 a 1247 a 2020/1504.

(15)

EUR 1251/2008, a ddiwygiwyd gan O.S. 2020/1388 a 1463, a 2022/835.

(16)

EUR 2009/1069, a ddiwygiwyd gan O.S. 2019/170 a 588, 2020/1388 a 1463.