Rheoliadau Ychwanegion Bwyd Anifeiliaid (Awdurdodiadau) (Cymru) 2023

NODYN ESBONIADOL

(Nid yw’r nodyn hwn yn rhan o’r Rheoliadau)

Mae Gweinidogion Cymru yn gwneud y Rheoliadau hyn yn unol â Rheoliad (EC) Rhif 1831/2003 Senedd Ewrop a’r Cyngor ar ychwanegion sydd i’w defnyddio mewn maeth anifeiliaid (EUR 1831/2003). Mae’r Rheoliadau hyn yn gwneud darpariaeth ar gyfer awdurdodi rhoi 13 o ychwanegion bwyd anifeiliaid ar y farchnad, eu prosesu a’u defnyddio.

Mae rheoliad 3, ac Atodlenni 1 i 13, yn darparu ar gyfer awdurdodi ychwanegion bwyd anifeiliaid.

Mae Atodlen 1 yn cynnwys adnewyddiad (ag addasiad) o awdurdodiad paratoad o endo-1,4-beta-sylanas (EC 3.2.1.8) a gynhyrchir o Trichoderma reesei (CBS 143953) (rhif adnabod 4a11), ac estyniad o’r defnydd awdurdodedig presennol i gwmpasu rhywogaethau/categorïau ychwanegol o anifeiliaid. Yr addasiadau wrth adnewyddu’r awdurdodiad yw—

• mae’r rhif adnabod straen ar gyfer Trichoderma reesei wedi ei ddiweddaru i “CBS 142953” (“ATCC PTA 5588” yn flaenorol);

• mae isafswm cynnwys yr ychwanegyn bwyd anifeiliaid ar gyfer tyrcwn i’w pesgi wedi ei ostwng o 1,250 i 625 U/kg o fwyd anifeiliaid cyflawn.

Mae Atodlen 2 yn cynnwys awdurdodiad newydd, ar gyfer paratoad o Lacticasebacillus rhamnosus (IMI 507023) (rhif adnabod 1k21701).

Mae Atodlen 3 yn cynnwys awdurdodiad newydd, ar gyfer paratoad o Pediococcus pentosaceus (IMI 507024) (rhif adnabod 1k21016).

Mae Atodlen 4 yn cynnwys awdurdodiad newydd, ar gyfer paratoad o Pediococcus pentosaceus (IMI 507025) (rhif adnabod 1k21017).

Mae Atodlen 5 yn cynnwys awdurdodiad newydd, ar gyfer paratoad o Lactiplantibacillus plantarum (IMI 507026) (rhif adnabod 1k21601).

Mae Atodlen 6 yn cynnwys awdurdodiad newydd, ar gyfer paratoad o Lactiplantibacillus plantarum (IMI 507027) (rhif adnabod 1k21602).

Mae Atodlen 7 yn cynnwys awdurdodiad newydd, ar gyfer paratoad o Lactiplantibacillus plantarum (IMI 507028) (rhif adnabod 1k21603).

Mae Atodlen 8 yn cynnwys awdurdodiad newydd, ar gyfer paratoad o Lactiplantibacillus plantarum (DSM 26571) (rhif adnabod 1k1604).

Mae Atodlen 9 yn cynnwys adnewyddiad (ag addasiad) o awdurdodiad endo-1,4-beta-sylanas a gynhyrchir o Trichoderma reesei (CBS 114044) (EC 3.2.1.8) (rhif adnabod 4a8i). Yr addasiadau wrth adnewyddu’r awdurdodiad yw—

• mae rhif adnabod yr ychwanegyn wedi ei newid o 4a8 i 4a8i;

• mae lefel isaf yr actifedd ensym stoc wedi ei gostwng i 160,000 BXU/g ar y ffurfiau solet a hylif (o 4,000,000 BXU/g ar y ffurf solet a 400,000 BXU/g ar y ffurf hylif).

Mae Atodlen 10 yn cynnwys adnewyddiad (ag addasiad) o awdurdodiad 6-ffytas (EC 3.1.3.26) a gynhyrchir o Trichoderma reesei (CBS 122001) (rhif adnabod 4a12). Yr addasiad wrth adnewyddu’r awdurdodiad yw—

• mae lefel isaf yr actifedd ensym stoc wedi ei gostwng i 5,000 PPU/g ar y ffurf hylif (o 10,000 PPU/g).

Mae Atodlen 11 yn cynnwys awdurdodiad newydd, ar gyfer sylfaen L-lysin (hylif) a gynhyrchir o Corynebacterium glutamicum (KCCM 80216 neu KCTC 12307BP) (rhif adnabod 3c326).

Mae Atodlen 12 yn cynnwys awdurdodiad newydd, ar gyfer L-lysin monohydroclorid a gynhyrchir o Corynebacterium glutamicum (KCCM 80216 neu KCTC 12307BP) (rhif adnabod 3c327).

Mae Atodlen 13 yn cynnwys awdurdodiad newydd, ar gyfer 3-nitroocsypropanol (rhif adnabod 4c1).

Mae rheoliad 3(2) yn darparu bod awdurdodiadau a roddir gan y Rheoliadau hyn yn ddilys am gyfnod o ddeng mlynedd yn unol ag Erthygl 9(7) o EUR 2003/1831. Mae hyn yn ddarostyngedig i Erthygl 14(4) o’r Rheoliad hwnnw, sy’n darparu ar gyfer estyn cyfnod yr awdurdodiad mewn amgylchiadau penodol pan fo cais i adnewyddu wedi ei gyflwyno.

Mae rheoliad 4 yn cynnwys darpariaeth drosiannol. Mae adnewyddu awdurdodiad yr ychwanegyn bwyd anifeiliaid o dan Atodlen 9 yn ddarostyngedig i newid i rif adnabod yr ychwanegyn (o “4a8” i “4a8i”). Mae rheoliad 4 yn caniatáu parhau i gynhyrchu a labelu cynhyrchion, am y cyfnodau cyfyngedig o amser a bennir, o dan amodau’r awdurdodiad ymlaen llaw a’r gofynion labelu sy’n gymwys yn union cyn i’r Rheoliadau hyn ddod i rym. Caniateir marchnata a defnyddio cynhyrchion a gynhyrchir o fewn y cyfnodau trosiannol hyd nes y bydd stociau wedi eu disbyddu.

Mae rheoliad 5 yn diwygio Rheoliad Gweithredu’r Comisiwn (EU) Rhif 601/2013 sy’n ymwneud ag awdurdodi cobalt(II) asetad tetrahydrad, cobalt(II) carbonad, cobalt(II) carbonad hydrocsid (2:3) monohydrad, cobalt(II) sylffad heptahydrad a chobalt(II) carbonad hydrocsid (2:3) monohydrad gronynnog araenedig fel ychwanegion bwyd anifeiliaid (EUR 2013/601), i ddileu cofnodion a ddisbyddwyd sy’n ymwneud â phedwar ychwanegyn bwyd anifeiliaid. Daeth yr awdurdodiadau ar gyfer yr ychwanegion bwyd anifeiliaid hynny i ben ar ddiwedd 14 Gorffennaf 2014. Mae’r pedwar ychwanegyn bwyd anifeiliaid hynny bellach wedi eu hawdurdodi dros dro am 5 mlynedd arall, o ran Cymru, drwy benderfyniad gweinyddol gan Weinidogion Cymru dyddiedig 20 Mehefin 2023, a wnaed yn unol ag Erthygl 15 o EUR 2003/1831. Rhagnodwyd ffurfiau’r awdurdodiadau ar gyfer yr ychwanegion bwyd anifeiliaid hynny gan Reoliadau Ychwanegion Bwyd Anifeiliaid (Ffurf Awdurdodiadau Dros Dro) (Cyfansoddion Cobalt(II)) (Cymru) 2023 (O.S. 2023/678 (Cy. 100)).

• Mae rheoliad 6 yn dirymu, o ran Cymru, fân ddarpariaethau diwygio sy’n ymwneud ag offerynnau sydd wedi eu dirymu gan reoliad 7 (ac Atodlen 14).

• Mae rheoliad 7 ac Atodlen 14 yn dirymu, o ran Cymru, offerynnau a ddisbyddwyd, gan gynnwys yr awdurdodiadau ymlaen llaw ar gyfer yr ychwanegion bwyd anifeiliaid sydd bellach wedi eu hawdurdodi gan Atodlenni 1, 9 a 10.

Gellir cael rhagor o wybodaeth, gan gynnwys mewn perthynas ag unrhyw ddogfennaeth y cyfeirir ati yn yr Atodlenni, gan yr Asiantaeth Safonau Bwyd yng Nghymru, Llawr 4, Adeilad Llywodraeth Cymru, Parc Cathays, Caerdydd, CF10 3NQ neu drwy ysgrifennu at: [e-mail].

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.